2024 йил 27-март куни Транспорт вазирлигида Хитой Халқ Республикасининг “CИТИC construction” компанияси билан автомобил йўлларини қуриш ва реконструксия қилиш йўналишидаги лойиҳалар муҳокамасига бағишланган навбатдаги учрашув бўлиб ўтди.
Компания Пунган-Наманган, Тошкент-Чиноз автомобил йўлларини реконструксия қилиш билан бирга янги пуллик йўлларни қуриш бўйича ўз халқаро тажрибаси билан мамлакатимизнинг транспорт инфратузилмасини яхшилашда қурилиш соҳасидаги замонавий йечимларни қўллаган ҳолда иштирок этиш хоҳишини билдирди.
Транспорт вазири ўз навбатида ушбу йўллар халқаро стандартларга жавоб берадиган, замонавий технологияларни қўллаган ҳолда қисқа вақтда қурилиши ҳамда қурилиш таннархини арзонлаштиришга алоҳида эътибор қаратилиши лозимлигини таъкидлаб ўтди.
Хориж компанияси лойиҳаларни ўрганиш ишларини олиб бораётгани, яқин кунларда барча талабларга жавоб берадиган лойиҳа таклифларини тақдим этишини маълум қилди.
