AIRCUZ Наманган ва Фарғонада ҳалқаро автомобилларда юк ташувларни ривожлантиришнинг долзарб масалалари юзасида минтақавий Семинарлар ўтказди.
2024 йилнинг 18-19 январ кунларида AIRCUZ уюшманинг Фарғона ва Наманган филиалларига бириктирилган ташувчилар билан амалий Семинарлар ўтказди. Семинарларда бу икки вилоят ташувчилари халқаро автомобилларда юкларни ташиш бозори ривожланишининг ҳозирги тенденциялари ва фаолиятнинг турли йўналишларидаги долзарб янгиликлар билан таништирилди, юк ташувларини самарадорлиги ва барқарорлигини ошириш бўйича амалий тавсиялар берилди, долзарб муаммоли жиҳатлар, ташувчиларни қизиқтирган саволлар ва уларга жавоблар юзасидан фикр алмашилди. Иштирокчилар транспортнинг янги йўналишларини ривожлантириш, автотранспорт корхоналари ходимларининг малакасини ошириш ва ҳалқаро ташувларда хавфларни камайтиришнинг янги ва самарали воситаларини жорий этиш зарурлигини тўғрисда кўникма олдилар.
ХЙТ масалалари бўйича Ҳалқаро автомобил транспорт иттифоқи (ХАТИ, IRU) ва ХХР вакилларининг учрашуви.
IRU Бош котиби Умберто де Претто ва Хитой трансорт вазирининг ўринбосари Ли Янг Пекинда ХЙТ тизими ва асосий йўлаклар бўйича юқори даражадаги музокаралар ўтказдилар.
Умберто де Претто ХЙТнинг ноёб афзалликларини ва IRU транспорт вазирлигини “тўртинчи логистика йўлаги” бўйлаб, транспорт самарадорлигини ошириб ва логистика харажатларини камайтириб, ривожлантиришда қўллаб-қувватлашга тайёрлигини таъкидлади.
Умберто де Претто ва вазир ўринбосари кейинги қадамлар сифатида ХЙТ тизимининг афзалликларини намойиш этиш учун автомобил транспорти соҳасида минтақавий ҳамкорликни такомиллаштириш ва асосий йўлаклар бўйлаб юк карвонларини синовдан ўтказиш орқали Хитойнинг Марказий Осиё мамлакатлари билан савдо йўлакларини оптималлаштириш ва мустаҳкамлаш бўйича биргаликдаги саъй-ҳаракатларни кўриб чиқдилар.
Вазир ўринбосари Ли билан учрашувдан сўнг IRU транспорт вазирлиги ҳузуридаги барқарор транспортда инновациялар ва билимлар Глобал маркази билан автотранспорт дуч келадиган муаммолар ва имкониятларни муҳокама қилди.
Келажакка йўл: IRU Истанбулда ўзининг 75 йиллигини нишонламоқда.
IRU ўзининг 75 йиллигини Истанбулда минтақадаги аъзолари ва шериклари билан биргаликда нишонлаганида, трансчегаравий транспортни осонлаштириш, рақамлаштириш ва декарбонизация муҳокама қилинадиган асосий мавзуларга айланди.
Истамбулда IRUнинг 75 йиллигига бағишланган махсус тадбирда IRU аъзолари, транспорт компаниялари, ривожланиш ташкилотлари ва давлат органлари долзарб масалаларга, жумладан, савдо коридорлари ва чегара ўтиш жойларининг тирбандлиги, Туркия ва минтақадаги автомобил транспорти муаммоларига эътибор қаратдилар.
Очилиш нутқини сўзлаган IRU Президенти Раду Динеску “Тижорат автомобил транспорти минтақани дунёнинг қолган қисми билан боғлайди, енг кичик қишлоқлардан енг йирик шаҳар марказларига қадар иқтисодий ривожланиш ва ижтимоий фаровонликка ҳисса қўшади” деди. “TIR доим боғловчи звено марказида бўлиб келган ва бўлиб келмоқда, у савдо ва транспортни осонлаштиради ҳамда тезлаштиради, шу билан бирга трансчегаравий транспортнинг хавфсизлиги ва шаффофлигини сақлайди.” “Биз трансчегаравий операцияларни оптималлаштириш ва минтақадан ўтаётган товарларнинг ўсиб бораётган ҳажмини бошқариш учун eTIR ва бошқа рақамли воситалар орқали савдо ва транзитни рақамлаштириш бўйича ҳаракатларни давом эттиришимиз ва тезлаштиришимиз керак”, дея қўшимча қилди у.
