Беларусия Литва ҳудудидан бир қатор озиқ-овқат ва ноозиқ-овқат маҳсулотларини олиб киришни тақиқлади, дея хабар беради пайшанба куни Беларусия ҳукумати матбуот хизмати.
“Ҳукумат Давлат чегарасининг Беларусия-Литва бўлаги орқали айрим товарларни олиб киришни тақиқлайди. Тегишли фармонни Бош вазир (Беларусия Бош вазири Роман Головченко – ИФ) имзолади”, – дейилади хабарда.
Маълум қилинишича, “Республика ҳудудига сотиш ва истеъмол қилиш учун қуйидаги товарларни олиб кириш тақиқланган: сув, пиво, вино, узум шарбати, вермут, бошқа ферментланган ичимликлар, этил спирти, сирка, шина ва уларни пневматик резина қопламалари, кийим-кечак ва бошқа ишлатилган маҳсулотлар, шунингдек транспорт воситаларни ишлатилган қисмлари ва воситалари”.
“Киритишни тақиқлашнинг жорий этилиши Литванинг иккита чегара пункти орқали товарлар, транспорт ва одамлар ҳаракатини тўхтатиш тўғрисидаги қарорига жавобдир” – дея тушунтирди матбуот хизмати.
Матбуот хизмати таъкидлашича, келиб чиқиши Литва бўлиб Беларусия ҳудудига олиб кириш ва сотиш тақиқланган товарлар рўйхатни кенгайтирилиши яна бир жавоб чораси ҳисобланади.
“Ҳукумат Беларусия ҳудудида киритиш ва сотиш учун тақиқлаган товарлар рўйхатига қўшимча киритди. Вазирлар Маҳкамасининг 2021 йил 6-декабрдаги №700-сонли қарорига тегишли ўзгартиришлар киритилди. Хусусан, кўрсатилган рўйхатга Литва Республикасидан кириб келадиган айрим товарлар: сут ва қуюлтирилган қаймоқ, мева ва ёнғоқлар, қаҳва, мева шарбатлари, сув, сирка, колготка, пайпоқ, гольфи , пайпоқ ва бошқа пайпоқ маҳсулотлари, айрим қурилиш маҳсулотлари, совитгич ва музлатгичлар”, дейилади Беларус ҳукумати матбуот хизмати хабарида.
