Беларусь Республикаси Европа Иттифоқига аъзо давлатларда рўйхатдан ўтган транспорт воситалари ҳаракатига махсус чекловлар киритди. Бу қарор мамлакат ичида хавфсизликни таъминлаш ва транспорт оқимини тартибга солиш мақсадида қабул қилинган.
Янги чораларга кўра, қуйидаги ҳаракатлар тақиқланади:
• Европа Иттифоқига аъзо давлатларда рўйхатдан ўтган юк машиналари ва тягчиларнинг Беларус ҳудудида ҳаракатланиши;
• Польша Республикаси ва Литва Республикасида рўйхатдан ўтган прицеп ва ярим прицеплар ҳаракати;
• Польша Республикасида рўйхатдан ўтган ва халқаро ташишни индивидуал юк ҳужжатлари ёки халқаро товар-транспорт ҳужжатлари («CMR») асосида амалга ошираётган енгил автомобиллар ҳаракати.
Шу билан бирга, Польша ёки Литва Республикасида рўйхатдан ўтган прицеп/ярим прицеплардан фойдаланган ҳолда белгиланган прицеп алмаштириш, юклаш-тушириш ёки айрим божхона постларигача ҳаракатланишга рухсат берилади. Илтимос, тафсилотларни аниқлаштириш учун ҳужжатни диққат билан ва тўлиқ ўқинг:
https://pravo.by/document/?guid=12551&p0=C22500599
Янги қонун талабларини бузган ҳолатларда маъмурий жавобгарлик белгиланган бўлиб, Беларусь Республикасининг Маъмурий ҳуқуқбузарликлар тўғрисидаги кодекси 18.36-моддасига мувофиқ, хорижий транспорт ҳайдовчилари учун жарима миқдори 20 дан 50 гача базавий қийматни (яъни тахминан 840 – 2100 Беларусь рубли ёки 280 – 705 АҚШ доллари) ташкил этади.
