2026 йилнинг 31 июль куни Латвия Беларусь билан чегарадаги «Патерниеки» автомобиль ўтказиш пунктини вақтинча ёпди. У мазкур икки давлат ўртасидаги ягона фаол автомобиль ўтказиш пункти эди.
Расмий маълумотларга кўра, ёпилишга техник муаммолар сабаб бўлган. Ҳозирга қадар пункт орқали ҳаракат қайта тикланмаган.
Натижада юк оқими Беларусьнинг Европа Иттифоқи билан бошқа чегара ўтказиш пунктларига йўналтирилди. Ҳафта охирида Литва ва Польша йўналишида навбат кутаётган юк автомобиллари сони қарийб икки баробар ошиб, 895 тага етди.
⚠️ Халқаро ташувчиларга Европа Иттифоқининг ташқи чегаралари орқали маршрутларни режалаштиришда ушбу вазиятни инобатга олиш тавсия этилади.
