Қозоғистон Давлат даромадлари қўмитасининг хабарига кўра, ҳозирги вақтда Россия билан чегарадаги бешта назорат–ўказиш пунктида электрон навбат тизимини ишга тушириши керак. Келгуси ойларда унга яна учта автомобиль ўтиш жойи уланади.
Эслатиб ўтамиз: Қозоғистон электрон навбатни амалга оширган Россия билан чегарадаги биринчи назорат пункти “Бидаик” ўтиш жойи эди (Россия томонидан — Омск вилоятидаги Одесское халқаро назорат ўказиш пункти). Тизим бу ерда Қозоғистон чегарасининг бошқа қисмларида — Хитой, Ўзбекистон ва Туркманистон билан тўлиқ амалга оширилгандан сўнг, ўтган йилнинг ноябр ойидан ишлай бошлади.
Жорий йилнинг январ ойида Россия Федерацияси билан чегарада яна тўртта ўтиш жойлари: 15 январдан – “Карашатау” (Оренбург вилояти Светлый ХАЎП) ва “Жезкент” (Олтой ўлкаси Горняк ХАЎП), 31 январдан –“Убе” (Олтой ўлкаси Михайловка ХАЎП) ва “Аксай” (Оренбург вилояти Илек ХАЎП) электрон навбатга уланиши керак эди.
Шу билан бирга, Қозоғистон ушбу тизимни Россия билан чегарадаги автомобил назорат-ўказиш пунктларига янада кенгайтиришни режалаштирмоқда. Хусусан, 15 феврал куни улар “Убаган” (Курган вилояти Звериноголовское ХАЎП) ва “Найза” (Олтой ўлкаси Павловка (Славгород) ХАЎП,) ўтиш жойларида электрон навбатни йўлга қўймокчи.
Икки ойдан бир оз кўпроқ вақт ўтгач, 30 апрел куни улар тизимни “Курмангазы” назорат-ўказиш пунктида (Астрахан вилояти Караузек ХАЎП ) жорий қилмоқчи.
Шу тариқа, жорий йилнинг май ойидан электрон навбат Қозоғистоннинг Россия билан чегарасидаги саккизта назорат–ўказиш пунктларида ишлайди.
Тизимга (https://cgr.qoldau.kz/ru/start) ҳаволаси ёки “CarGoRuqsat” иловаси орқали рўйхатдан ўтиш мумкин.
Шу билан бирга, ушбу хизмат нафақат чегарани кесиб ўтиш учун маълум вақтни банд қилиш имконини беради, балки назорат қилиш учун зарур бўлган вақтни ҳам қисқартиради, чунки у давлат органларининг 13 та ахборот тизимлари билан бирлаштирилган бўлиб, улар Давлат Даромадлари қўмитаси таъкидлаганидек, назорат функцияларининг бир қисмини автоматлаштиришга ва инсон омилини бартараф этиш имкон беради.
Яқин вақтгача тизимдан фойдаланиш бепул эди, лекин 2024 йил 1 январдан бошлаб у пуллик режимга ўтказилди. Бир марта банд қилиш қиймати 3692 тенге ҳисобланади, назорат-ўтказиш пункти орқали бир неча кун олдин навбат кутмасдан тезкорлик билан ўтиш учун 369200 тенге тўлаш керак бўлади.
