Россия–Хитой чегарасидаги энг йирик автомобиль ўтказиш пункти — «Забайкальск» — 2026 йил май ойигача куну-тун (24/7) режимида ишлашда давом этади. Бу ҳақда Россия Транспорт вазирлиги маълум қилди.
Вазирликка кўра, Хитой билан музокаралар якунида «Забайкальск» ХАНЎП даги узлуксиз режим яна ярим йилга узайтирилди. Ҳозирда ушбу режим 2025 йил 15 ноябргача амал қилади, янги келишув эса уни 2026 йил 15 майгача узайтиради.
Шу билан бирга, пунктни доимий куну-тун фаолият кўрсатадиган тартибга ўтказиш масаласи ҳам кўриб чиқилмоқда. Бу реконструкция якунлангач амалга оширилиши кутилмоқда.
Массштабли янгилаш ишлари 2025 йил бошида бошланиб, 2027 йилгача якунланади. Натижада, «Забайкальск» Россиядаги энг йирик чегара пунктига айланади ва юк ўтказиш қуввати 5,5 баробарга, кунлик юк машиналари оқими эса 280 тадан 1 600 тагача ортиши кутилмоқда.
Шунингдек, «Краскино», «Пограничный» ва «Кани-Курган» ХАНЎПлари фаолияти режими ҳам қайта кўриб чиқилади. Бу чегараларда ҳам ҳозирда модернизация ишлари олиб борилмоқда ва жорий йил охиригача якунланиши режалаштирилган.
